Қазақстан Республикасы Қаржы министрінің 2018 жылғы 5 мамырдағы № 517 бұйрығымен бекітілген бағалаушыларға, сарапшыларға кандидаттардың біліктілігін растау үшін біліктілік емтиханын өткізу қағидаларына сәйкес.
2-Тарау. Біліктілік емтиханынан өту үшін құжаттарды қабылдау тәртібі
3. Емтиханды тапсыру рұқсатын алу үшін кандидат біліктілік комиссиясына осы Қағидаларға 1 немесе 2-қосымшаларға сәйкес нысан бойынша маманданудың әрбір түрі бойынша өтініш береді.
4. Өтініш поштамен не бағалаушылар палатасының интернет-ресурсы арқылы (автоматтандырылған веб-портал болмаған жағдайда, сканерленген көшірмесі) не қолма-қол жіберіледі.
5. Кандидат өтінішке мынадай құжаттарды қоса береді:
1) жоғары білімі туралы дипломның көшірмесі ("сарапшы" біліктілігін беру туралы куәлікті алуға үміткер үшін талап етілмейді);
2) жеке басын куәландыратын құжаттың көшірмесі;
3) бағалаушылар палатасы бекіткен бағдарламаға сәйкес және сағат көлемінде кандидаттың оқудан немесе кәсіптік қайта даярлаудан өткені туралы куәландыратын құжаттар;
4) тағылымдамадан өткені туралы куәландыратын құжаттар ("сарапшы" біліктілігін беру туралы куәлікті алуға үміткер үшін талап етілмейді).
6. Кандидаттың өтініші мен құжаттарын бағалаушылар палатасы құрған Біліктілік комиссиясының жұмыс органы олар келіп түскен күннен бастап 15 (он бес) жұмыс күні ішінде қарайды.
Құжаттары қойылатын талаптарға сәйкес келетін кандидаттар бағалаушылар палатасының шешімі негізінде біліктілік емтиханынан өтуге жіберіледі, ол кандидаттарға емтихан өткізілетін күнге дейін 15 (он бес) жұмыс күнінен кешіктірілмей жіберіледі.
Біліктілік емтиханынан өту үшін тіркелген кандидаттардың тізімі бағалаушылар палатасының интернет-ресурсында орналастырылады.
7. Осы Қағидалардың 7-тармағында көзделген құжаттар ұсынылмаған не тиісінше ресімделмеген жағдайда бағалаушылар палатасы кандидатқа біліктілік емтиханына жіберуден бас тарту туралы шешімді пошта арқылы не бағалаушылар палатасының интернет-ресурсы арқылы (автоматтандырылған веб-портал болмаған жағдайда, сканерленген көшірме) не өтініш келіп түскен күннен бастап 15 (он бес) жұмыс күнінен кешіктірмей қолма-қол жібереді